काठमाडौँ- नेपाली कांग्रेसको आधिकारिकता सम्बन्धि विवादलाई लिएर सर्वोच्च अदालतमा परेको मुद्दाको सुनुवाइ हेर्दाहेर्दैमा राखिएको छ। आज भएको सुनुवाई नसकिएपछि मुद्दा हेर्दाहेर्दैमा राखिएको हो ।
सर्वोच्च अदालतका न्यायाधीश द्वय शारङ्गा सुवेदी र नृपध्वज निरौलाको संयुक्त इजलासमा रिट निवेदकको पक्षबाट बहस भएको थियो ।मुद्दा हेर्दा हेर्दैमा राखिएकाले भोलि शुक्रबार पनि मुद्दाको सुनुवाइ हुने छ ।
आज रिट निवेदक रहेका नेपाली कांग्रेसको १४ औं महाधिबेशनबाट निर्बाचित सभापति शेरबहादुर देउवाको तर्फबाट कानुन व्यवसायी र सरकारी वकिलको तर्फबाट बहस गर्नु भएको छ भने भोली शुक्रबार बिशेष महाधिबेशनबाट बनेका सभापति गगनकुमार थापा समेतको तर्फबाट कानुन व्यवसायीले बहस गर्ने गरी इजलासले समय विभाजन गरेको थियो ।
यसअघि चैत २७ गते कामु प्रधानन्यायाधीश सपना प्रधान मल्ल र न्यायाधीश मेघराज पोखरेलको इजलासले यही रिटमा विशेष महाधिवेशनबाट चुनिएका सभापति गगन थापा लगायतलाई पेसीको सूचना दिने आदेश गरेको थियो ।
१४ औं महाधिबेशनबाट निर्बाचित सभापति देउवा र उपसभापति ( पछिल्लो समय कार्यबाहक सभापति) खड्काले गत माघ ४ गते निर्बाचन आयोगले बिशेष महाधिबेशनबाट बनेको थापा नेतृत्वको समितिलाई आधिकारिकता दिने निर्णय गरेकोमा त्यसको बिरुद्ध कांग्रेसको आधिकारिकता आँफुहरुको समितिलाई (१४ औं महाधिबेशनबाट निर्बाचित) नै दिनुपर्ने भन्दै रिट दायर गर्नुभएको थियो ।
