काठमाडौँ- पूर्वप्रधानमन्त्री एवं पूर्वप्रधानन्यायाधीश सुशीला कार्कीको नयाँ साहित्यिक कृति ‘मिट्टी एन्ड द वाइल्ड क्याट’ को लोकार्पण गरिएको छ ।
जेनजी आन्दोलनले तत्कालीन सरकारलाई विस्थापित गरेपछि बनेको अन्तरिम सरकारको नेतृत्व गरिरहँदा राष्ट्र अनिश्चितताको भुमरीमा रहेको बेला पूर्वप्रधानमन्त्री कार्कीले आफ्नो कल्पनाशीलता र सिर्जनशीलता कायम राख्दै बालमनोविज्ञानलाई केन्द्रमा राखेर यो कृति तयार गर्नु भएको बताइएको छ ।
पुस्तक लोकार्पण कार्यक्रममा पूर्व प्रधानमन्त्री कार्कीले पुस्तकले अपार प्रेम, आशा र सकारात्मकताको सन्देश दिइने धाराणा राख्नु भयो ।
चराचुरुङ्गी र जनावरहरूबीचको अन्तरक्रियामार्फत उपन्यासले समानुभूति, सहकार्य, प्रेम र पारस्परिक निर्भरताको सन्देश प्रवाह गरेको छ। पुस्तकमा कौतुहल र मनोरञ्जनले भरिपूर्ण भएकाले कथावस्तु समावेश गरिएको छ ।
पूर्व प्रधानमन्त्री कार्कीका दुई कृति ‘न्याय’ (संस्मरण) र ‘कारा’ (उपन्यास) नेपाली भाषाका सर्वाधिक बिक्री भएका पुस्तकहरूमा पर्छन्।
