काठमाडौँ- नेपाली काँग्रेसले सरकारले ल्याएको अध्यादेशविरुद्ध संसदमा शशक्त आवाज उठाउने भएको छ । काँग्रेस संसदीय दलको आज बसेको बैठकले खासगरी संबैधानिक परिषद सम्बन्धी अध्यादेशमा भएको व्यवस्थाको विरोध गर्ने भएको हो ।
सिंहदरवारस्थित पार्टी संसदीय दलको कार्यालयमा बसेको बैठकमा पार्टी सभापति गगन थापाले अध्यादेशमाथि संशोधन प्रस्ताव हाल्ने विषयमा पार्टीले गृहकार्य गरिरहेको जानकारी दिनुभएको थियो ।
सांसदहरुलाई सभापति थापाले आगामी संसदको बैठकमा प्रस्तुत हुने तरीका र विषयका बारेमा तयारी गर्न समेत निर्देशन दिनुभएको राष्ट्रिय सभामा नेपाली काँग्रेस संसदीय दलकी नेता कमला पन्तले जानकारी दिनुभयो ।
काँग्रेसले आउँदो संसद बैठकमा सुकुम्बासी र अव्यवस्थित वस्तीको व्यवस्थापनको बारेमा समेत सरकारलाई प्रश्न गर्ने तयारी गरेको उहाँले बताउनुभयो ।
संघीय संसदको बैठक यही बैशाख २८ गते बस्दैछ ।।
