काठमाडौँ- सरकारले नीजि अस्पतालमा पनि १० प्रतिशत निःशुल्क शैया सेवा शुरु गरेको छ । नेपालको संविधानले व्यवस्था गरेको स्वास्थ्यको हक अनुसार आधारभूत स्वास्थ्य सेवा अन्तर्गत निःशुल्क शैया सेवा शुरु गरेको हो । यो सेवा देशका सातै प्रदेशमा रहेका अस्पतालहरुबाट प्राप्त हुनेछ । हालसम्म देशभर ८ सय ४० वेड निशुल्क उपलब्ध रहेका छन् । जसमा सवै भन्दा धेरै कोशी प्रदेशमा सवै भन्दा बढी २ सय २ वेड उपब्ध छन् ।
त्यसपछि बागमती रहेको १ सय ९३ निशुल्क वेड छन् भने सवै भन्दा कम मधेश प्रदेशमा ९१ बेड निशुल्क उपलब्ध छन् । ९ सय ४० वेड निशुल्क उपलब्ध भए पनि जम्मा ८ जना मात्र विरामीले सेवा लिइ रहेका छन् । सरकारले निशुल्क वेड उपलब्ध गराउदा पनि मधेश, लुम्बिनी, कर्णाली र सुदूरपश्चिमा अस्पतालमा कोही पनि विरामी भर्ना भएका छैनन् ।
सरकारले घोषणा गरेको १०० दिनको प्राथमिकताको कार्यक्रमको ८५ नम्बरको बुँदा कार्यान्वयन अन्तर्गत पहिलो चरणमा यो सेवा गरिव असहाय र विपन्न बर्गका लागि दिइएको छ । सरकारको यो अभियानमा शनिवारसम्म नीजि र सरकारी समेत गरी ६३ वटा अस्पताल जोडिएका छन् ।
सरकारको स्वास्थ्य संस्था संचालन मापदण्ड अस्पतालमा उपचारका लागि जाने विपन्न, असहाय, वेवारिसे विरामीका लागि कुल शैय्याको १० प्रतिशत शैय्या छुट्याई नि:शुल्क उपचार अनिवार्य रुपमा उपलव्ध गराउनु पर्ने ब्यवस्था छ । त्यसैको कार्यन्वयनको लागि अस्पतालहरुमा निःशुल्क उपचार सेवा प्रभावकारी, पहूँच योग्य र पारदर्शी बनाउने उद्देश्यले यो अनलाइन प्रणालीको विकास गरिएको स्वास्थ्य तथा जनसंख्या मन्त्रालयले जनाएको छ । पहिल्यै ब्यवस्था गरेको भए पनि कार्यान्वयन भएको थिएन ।
