काठमाडौँ – पक्राउ पर्नुभएका पूर्व प्रधानमन्त्री केपी शर्मा ओली र गृहमन्त्री रमेश लेखकलाई स्वास्थ्य परीक्षणका लागि अस्पताल लगिएको छ ।
ओली र लेखकलाई स्वास्थ्य परीक्षण गर्न प्रहरी परिसर भद्रकालीबाट त्रिवि शिक्षण अस्पताल लगिएको हो । उहाँहरुलाई आज विहान मात्र ज्यान सम्बन्धी कसुर समेतको मुद्दाको अनुसन्धानका लागि पक्राउ गरिएको थियो ।
यसैबीच अध्यक्ष केपी शर्मा ओली पक्राउ परेको घटनाबारे छलफल गर्न नेकपा एमालेले सचिवालय बैठक बोलाएको छ । आज बिहान साढे ८ बजे पार्टी कार्यालय च्यासलमा सचिवालय बैठक बोलाएको हो । सचिवालय बैठकपछि केन्द्रीय सदस्य र जिल्ला अध्यक्षहरुसँगको भर्चुवल बैठक बस्ने बताइएको छ । ती बैठकहरुले विरोधका कार्यक्रम र स्वरुप तय गर्ने बताइएको छ ।
