१२ असार, काठमाडौं । संघीय राजधानी काठमाडौं बबरमहलकी कुसुम ढकालले नजिकै खुलेको ‘अर्गानिक’ खाद्यवस्तु बेच्ने पसलबाट जुम्लाको अर्गानिक सिमी भनेर महँगो पैसा तिरेर घर लगिन् । तर, पकाउँदा भने त्यो सिमी राम्रोसँग पाकेन । त्यसपछि ढकाललाई अर्गानिकका नाममा ठगिएँ भन्ने लाग्यो ।
‘जुम्ली सिमी त पहिला पनि लगेर खाएको होे, दालमा मिसाएरै पकाउँदा पनि लतक्क हुने र स्वाद पनि उस्तै मिठो थियो,’ ढकालले अनलाइनखबरसँग भनिन्, ‘हेर्दा त कालो लामो–लामो दाना भएको थियो । पकाउँदा पाक्न पनि धेरै समय लाग्यो र खाँदा त्यति धेरै स्वाद आएन । अर्गानिकका नाममा अरू नै बेचे जस्तो छ ।’
