काठमाडौँ- गृहमन्त्री सुधन गुरुङले पछिल्लो विवादबारे सम्पत्ति शुद्धीकरण विभागले गरिरहेको छानविन बारेमा स्पष्टीकरण दिनु भएको छ ।
सामाजिक संजाल मार्फत स्पष्टिकरण दिदै गृहमन्त्री गुरुङले प्रमाणका आधारमा दोष देखाउन आग्रह गर्दै अनुसन्धानमा आवश्यक परे सहयोग गर्ने र पार्टी निर्णय मान्ने समेत उल्लेख गर्नु भएको छ ।
मन्त्रिपरिषद्मा पेश गरेको सम्पत्ति विवरणमा श्रोतसमेत उल्लेख गरेको स्पष्ट पार्दै ऋण लिएर सेयर खरिद गरिएको र सबै काम बैंकिङ च्यानलमार्फत् भएकोले कुनै कुरा नलुकेको स्पष्ट पार्नु भएको छ ।
सेयर किनेकै आधारमा व्यापारिक साझेदारी नहुने स्पष्ट पार्दै, कम्पनीमा सेयर लगानीकर्ता जोसुकै हुनसक्ने भएकोले यो विवादको विषय नभएको र नियोजित रुपमा आफूलाई विवादमा ल्याउने काम भइरहेको मन्त्री गुरुङले उल्लेख गर्नु भएको छ ।
सम्पत्तीको श्रोत र विवादस्पद व्यापारी दीपक भट्टसँगको साझेदारीका बारेमा गृह मन्त्री गुरुङको पछिल्लो स्पष्टीकरण सार्वजनिक भएको हो ।
