वालिङ (स्याङ्जा)- प्रतिनिधिसभा सदस्य निर्वाचनमा स्याङ्जा क्षेत्र नं २ मा राष्ट्रिय स्वतन्त्र पार्टी (रास्वपा)का झबिलाल डुम्रे निर्वाचित हुनुभएको छ । केहीबेर अघि सम्पन्न मतगणनाबाट रास्वपाका डुम्रेले २५ हजार ३५४ मत ल्याएर निर्वाचित हुनुभएको निर्वाचन अधिकृत ऋषि पौडेलले जानकारी दिनुभयो ।
उक्त क्षेत्रमा नेपाली कांग्रेस भागवतप्रकाश मल्लले २० हजार ८३० मत प्राप्त गर्नुभयो । साथै नेकपा (एमाले) का खिमबहादुर थापाले १४ हजार १०८ मत ल्याउनुभएको हो ।
कूल एक लाख १७ हजार ९३० मतदाता रहेकामा ६४ हजार ९२८ मत खसेको थियो ।
पार्टी स्थापना कालदेखि नै पार्टी–निर्माण र संगठन विस्तारमा लाग्दै आउनु भएको डुम्रे ३३ बर्ष पुग्नु भएको छ ।
विशेषगरी पोखरामा सफल व्यवसायीका रूपमा पहिचान बनाउन सफल डुम्रेले ग्रामिण विकासमा स्नातकोत्तर गर्नु भएको छ ।
स्थानीय विकास, सेवा–डेलिभरी र अवसर सिर्जनाको विषयलाई नीतिमा रूपान्तरण जोड दिदै आउनु भएका उहाँसामाजिक/समुदायमा भिजेको तथा लायन्स क्लब र युवा क्लबहरूसँग आवद्ध भएर सामाजिक क्षेत्रमा पनि सक्रिय रहँदै आउनु भएको छ ।
