काठमाडौँ- नइ एकेडेमीले नेपाली भाषासाहित्यको पठनपाठन तथा अनुसन्धानका साथै ‘नेपाल भारत विश्वविद्यालय प्राध्यापक सम्मेलन’को उचाइ अभिवृद्धिमा विशिष्ट योगदानका लागि भारतका नौ जना प्राध्यापकलाई ‘नइ प्रज्ञा पुरस्कार’ समर्पण गर्ने निर्णय गरेको छ ।
यी पुरस्कारका राशि जनही पचास -पचास हजार रुपियाँ रहेका छन् ।
प्रा.डा.कविता लामा, प्रा.डा.कृष्णराज घतानी, डा.टेकबहादुर छेत्री, प्रा.डा.दिवाकर प्रधान, डा.दैवकीदेवी तिम्सिना, प्रा.डा.पुष्प शर्मा, डा.राजकुमार क्षेत्री र प्रा.डा.सञ्जय रार्ई तथा डा.अरुणा रार्ई (संयुक्त)लाई ‘नइ प्रज्ञा पुरस्कार’बाट विभूषित गरिने भएको छ ।
नइ एकेडेमीका कुलपति श्रीमती इन्दिरा प्रसाईको अध्यक्षतामा बसेको बैठकले उक्त निर्णय गरेको हो ।
नइ एकेडेमीले २०८२ चैत २७,२८ र २९ (अप्रिल १०,११ र १२) मा सम्पन्न हुने ‘नेपाल भारत विश्वविद्यालय प्राध्यापक सम्मेलन’का अवसरमा ‘नइ प्रज्ञा पुरस्कार’ समर्पण गर्ने भएको छ ।
