काठमाडौं– प्रधानमन्त्री बालेन्द्र शाहलले बाढी प्रभावित नुवाकोटको विदुर नगरपालिका–१०, बेत्रावतीमा ६४ वर्षीया चन्द्रिका श्रेष्ठको जीवितै उद्धार भएको घटनाले सिङ्गो देशलाई आशा दिएको र खोज तथा उद्धारमा अझैँ डटेर लागिरहेका सन्देश प्रवाह गरेको बताउनु भएको छ ।
आज सशस्त्र प्रहरी बल, नेपाल र नेपाल प्रहरीको संयुक्त उद्धार टोलीले बाढी प्रभावित क्षेत्रबाट श्रेष्ठलाई जीवितै उद्धार गरेको उल्लेख गर्दै प्रधानमन्त्रीले यो घटनाले खोज तथा उद्धारमा राज्यका संयन्त्रहरू अझै पनि दृढताका साथ सक्रिय रहेको सन्देश दिएको बताउनु भएको हो ।
सामाजिक सञ्जाल फेसबुकमार्फत प्रधानमन्त्री शाहले चन्द्रिका आमाको उमेर समूहका तथा त्योभन्दा बढी उमेरका धेरै आमाबुबालाई यसअघि पनि प्रभावित क्षेत्रबाट जीवितै उद्धार गरिएको उल्लेख गर्नु भएको छ ।
उहाँले विपद्को कठिन परिस्थितिमा पनि खोज तथा उद्धार कार्यलाई निरन्तरता दिइरहेको र प्रभावित क्षेत्रमा अझै आशा कायम रहेको बताउनु भएको छ ।
