काठमाडौं – गृह मन्त्रालयले मोहम्मद जयन्तीका अवसरमा मुस्लिम समुदायका लागि सार्वजनिक बिदा दिने निर्णय भएको जनाएको छ।
मन्त्रालयले मंगलबार सार्वजनिक सूचना जारी गर्दै नेपाल राजपत्रमा प्रकाशित सूचनाअनुसार मोहम्मद जयन्तीका दिन नेपाली मुस्लिम धर्मावलम्बीका लागि सार्वजनिक बिदा दिने व्यवस्था रहेको जनाएको हो।
मन्त्रालयका अनुसार मुस्लिम आयोगबाट मोहम्मद जयन्तीका अवसरमा सार्वजनिक बिदा दिन अनुरोध भई आएको थियो। सोहीअनुसार २०८३ साल भदौ १० गते बुधबार नेपाली मुस्लिम धर्मावलम्बीका लागि मात्र सार्वजनिक बिदा दिने निर्णय भएको हो।
गृह मन्त्रालयले मोहम्मद जयन्तीको अवसरमा सम्पूर्ण मुस्लिम धर्मावलम्बीमा हार्दिक शुभकामना समेत व्यक्त गरेको छ।
