हुम्ला- जिल्ला प्रहरी कार्यालय हुम्लाले ठूलाे परिणाममा अवैध चिनियाँ मदिरा बरामद गरेकाे छ।
नाम्खा गाउँपालिका-२ काे नावलथाङबाट ठूलाे परिणामकाे अवैध चिनियाँ मदिरा बरामद गरिएको हाे।
५९४ काटुनमा ७ हजार १२८ बाेतल अवैध चिनियाँ मदिरा र १९४ काटुन बाेर्डवाईजर ४ हजार ६५६ बाेतल गरी ५१ लाख ९३ हजार ६०० बराबरको चिनियाँ मदिरा बरामद गरेकाे जिल्ला प्रहरी कार्यालय हुम्लाले जनाएको छ।
लुकाइछिपाई राखिएको अवस्थामा अवैध चिनियाँ मदिरा बरामद भएकाे जिल्ला प्रहरी कार्यालय हुम्लाका डिएसपी शंकर खडकाले बताए।
चिनियाँ अवैध मदिरा प्रतिबाेतलकाे अनुमानित बजार दर ५०० सय र बाेर्ड भाईजर बियरकाे ३५० मूल्य रहेकाे डिएसपी खडकाले बताए।
नाम्खा गाउँपालिका-६ काे लिमि लाप्चा नाकाबाट ठूलाे परिणाम अवैध चिनियाँ मदिरा भित्रिएको जिल्ला प्रहरी कार्यालय हुम्लाका डिएसपी खडकाकाे भनाई छ।
बरामद गरिएको चिनियाँ मदिरा काेष तथा लेखा नियन्त्रण कार्यालय हुम्लाकाे राेहबरमा नष्ठ गरिने प्रमुख जिल्ला अधिकारी भाेलानाथ गुरागाईले बताए।।
