धनगढी- सुदूरपश्चिम प्रदेशका मुख्यमन्त्री कमलबहादुर शाहले पदबाट राजीनामा दिनुभएको छ ।
उहाँले आज प्रदेशसभामा सम्बोधन गर्दै राजीनामाको घोषणा गर्नुभएको हो ।
मुख्यमन्त्री शाहले प्रदेशसभाबाटै राजीनामा दिने घोषणा गरेपछि प्रदेश प्रमुख नजिर मियाँसमक्ष राजीनामापत्र बुझाउनुभएको थियो । मुख्यमन्त्री शाहले प्रदेश प्रमुखको कार्यालय पुगेर आफ्नो राजीनामापत्र बुझाउनुभएको हो ।
यससँगै सुदूरपश्चिम प्रदेश सरकार गठनको नयाँ प्रक्रिया अघि बढ्ने भएको छ । मुख्यमन्त्री शाहले विश्वासको मत लिने तयारी गरे पनि प्रदेशसभामा आवश्यक बहुमत जुट्ने अवस्था नदेखिएपछि राजीनामा दिने निर्णय गरेका हुन् ।
शाहको राजीनामासँगै अब नयाँ सरकार गठनका लागि प्रक्रिया अघि बढ्नेछ ।।
