हिमलाल न्यौपाने, स्याङ्जा– स्याङ्जाको गल्याङ नगरपालिका–६ बनपालेमा गोठ भत्किँदा च्यापिएर एक जनाको मृत्यु भएको छ ।
जिल्ला प्रहरी कार्यालय स्याङ्जाका अनुसार बिहान आफ्ना पशुचौपायालाई दाना–पानी खुवाउन गोठमा गएका ६५ वर्षीय धनबहादुर रेस्मी गोठ भत्किँदा च्यापिएका थिए । स्थानीयवासीले तत्काल उद्धार गरी उपचारका लागि प्रयास गरे पनि उनको घटनास्थलमै मृत्यु भएको प्रहरीले जनाएको छ ।
केही दिनअघि सोही क्षेत्रमा आएको बाढीले दुई घर र एक विद्यालयमा समेत क्षति पुर्याएको थियो । स्थानीयवासीका अनुसार निरन्तरको वर्षापछि कमजोर बनेको संरचना भत्किँदा दुर्घटना भएको हुन सक्ने अनुमान गरिएको छ ।
घटनाको अवस्थाका बारेमा प्रहरीले थप अनुसन्धान गरिरहेको जनाएको छ ।
