गोरखा- गोरखा सदरमुकाम भित्रको बिपी चोकदेखि मैदानसम्मको सडक स्तरोउन्नतीको काम भइरहेको छ । प्रदेश सरकार अन्तरर्गत रहेको पूर्वाधार बिकास कार्यालयले यो सडक स्तरोन्नतीको काम सुरु गरेको हो ।
गोरखा नगरपालिका-७ र ५ जोडने सडकको लागि करिव १ करोड १० लाख रुपैयाँ रकम विनियोजन गरिएको थियो ।
सुजी निर्माण सेवा गोरखाले जिम्मा पाएको उक्त सडकको काम केही दिनमा सकिने जनाएको छ ।
सुजी निर्माण सेवाका प्रोपाईटर सुवास कुमार श्रेष्ठका अनुसार कार्यालयसँग यही जेठ ११ गते सम्झौता भए लगत्तै काम थालिएको र अबको २-३ दिन भित्रै काम सम्पन्न गर्ने जानकारी दिनुभयो ।
उहाँका अनुसार उक्त मार्गमा करिब १ किलो ४०० मिटर पिच र २४७ घन मिटर मेशिनरी वाल रहेको छ ।
निर्माण कम्पनीले वालको काम सकेर अहिले कालोपत्रे गर्ने काम गरिरहेको छ । असार महिना भित्र सक्ने गरी काम थालिएको पनि कम्पनीका प्रोपाईटर श्रेष्ठले जानकारी दिनुभयो।।
