काठमाडौं – महालेखा नियन्त्रक कार्यालयले संघीय सरकारका कर्मचारीलाई १५-१५ दिनमा तलबभत्ता भुक्तानी गर्न देशभरका कोष तथा लेखा नियन्त्रक कार्यालयलाई निर्देशन दिएको छ ।
अर्थमन्त्रीस्तरको गत वैशाख ४ गतेको ‘नीतिगत मार्गदर्शन’ अनुरूप हरेक महिनाको १५ दिन बितेपछि अर्धमासिक रूपमा तलब भत्ता भुक्तानी गर्न महालेखाले कोष तथा लेखा नियन्त्रका कार्यलयलाई पत्र पठाएको हो ।
पत्रमा अर्थमन्त्रालयबाट बजेट स्वीकृति प्राप्त भएको र अर्धमासिक भुक्तानीका लागि प्रणालीमा व्यवस्था मिलाइसकिएको सोही अनुसार तलव भत्ता भुक्तानी गर्न निर्देशन दिइएको छ ।
