काठमाडौँ- काठमाडौँ उपत्यकामा अहिले हावाहुरीसहित पानी परेको छ।
काठमाडौँ बाहिर विभिन्न जिल्लाहरुमा पनि हावाहुरी चलेको र पानी परेको समाचारहरु प्राप्त भएका छन । कतिपय जिल्लामा तीव्र गतिमा हावाहुरी चल्दा जस्ताका छानाहरु उडाएका छन । विद्यालय भवनहरुमा पनि क्षति भएको छ ।
आज देशका विभिन्न स्थानमा तीव्र गतिको हावाहुरी चल्ने संभावना भएकोले आवश्यक सतर्कता अपनाउन राष्ट्रिय विपद् जोखिम न्यूनीकरण तथा व्यवस्थापन प्राधिकरणले आग्रह गरेको छ ।
आज साँझदेखि कोशी, मधेस, बागमती, लुम्बिनी र सुदूरपश्चिमका विभिन्न जिल्लामा तीव्र गतिको हावाहुरी चल्ने भएकाले सतर्कता अपनाउन प्राधिकरणले अनुरोध गरेको हो ।।
