काठमाडौँ- भारतको सरकारको सहयोगमा झापामा गौरादहमा विद्यालय भवन निर्माण कार्य सुरु गरिएको छ ।
गौरादह नगरपालिका–१ स्थित जनता माध्यमिक विद्यालयको नयाँ भवन निर्माणका लागि आज शिलान्यास गरिएको छ। कोशी प्रदेशका मुख्यमन्त्री हिक्मत कुमार कार्की, काठमाडौंस्थित भारतीय राजदूतावासकी काउन्सलर गीतांजलि ब्रेन्डन र गौरादह नगरपालिकाका मेयर छत्रपति सुबेदीले संयुक्त रूपमा शिलान्यास गर्नु भएको हो ।
भारत सरकारको करिब ५.८ करोड रुपैयाँ आर्थिक सहयोगमा निर्माण हुने उक्त भवन ‘उच्च प्रभाव सामुदायिक विकास परियोजना’ अन्तर्गत गौरादह नगरपालिकामार्फत कार्यान्वयन गरिनेछ।
कार्यक्रममा मुख्यमन्त्री कार्कीसहित सरोकारवालाहरूले भारत सरकारको विकास सहयोगको प्रशंसा गर्दै नयाँ भवनले विद्यार्थी र शिक्षकका लागि गुणस्तरीय सिकाइ वातावरण निर्माणमा योगदान पुर्याउने विश्वास व्यक्त गर्नुभयो ।
नेपाल–भारतबीच नजिकको छिमेकी सम्बन्धअन्तर्गत बहुक्षेत्रीय सहकार्य भइरहेका बेला यस्ता परियोजनाले स्थानीय पूर्वाधार विकास र समृद्धिमा टेवा पुर्याउने अपेक्षा गरिएको छ।
