काठमाडौं– नेपाली कांग्रेस संसदीय दलको नेता चयनका लागि भोलि मतदान हुने भएको छ ।
निर्वाचन कार्यतालिका अनुसार आज मतदाताको अन्तिम नामावली प्रकाशनसम्म भएको छ।
भोलि अपरान्ह्र ३ बजे संसदीय दल नेता उम्मेदवारको मनोनयन हुनेछ। मतदान अपराह्न ४ बजेदेखि ५ बजेसम्म मतदानको सयम निर्धारण गरिएको छ ।
संसदीय दल नेताका लागि पूर्वसहमहामन्त्रीहरू अर्जुननरसिंह केसी, भीष्मराज आङ्देम्बे र मोहन आचार्य आकांक्षी देखिनु भएको छ ।
केसीले भने दलको नेतामा सहमति नभए आफू निर्वाचनमा नजाने बताउँदै आउनु भएको छ । ‘प्रत्यक्षलाई गर्ने की, सबैभन्दा युवाहरूलाई गर्ने की, सबैभन्दा सिनियरबाट गर्ने हो एउटा मापदण्ड बनाउ । होइन भने सहमति गरेर ल्याउ, प्रतिस्पर्धा गर्न चाहनेलाई प्रतिस्पर्धा गर्न दिम भन्ने नै मेरो कुरा हो ‘निर्वाचननै हुने भयो भने म प्रतिस्पर्धामा जान्नँ ।’ कसीले भनाई छ ।
यसै बीच आजबसेको काँग्रेस सांसदहरुको बैठकले विधान पारित भएको छ ।
‘सांसदहरूको छलफलपछि विधान पारित भएर अनुमोदनका लागि पार्टीलाई पठाइसकिएको संसदीय दल नेता निर्वाचन गर्न गठित निर्वाचन समितिका संयोजक प्रकाश रसाइली स्नेहीले जानकारी दिनुभयो ।
