गुल्मी-गुल्मीमा शनिबार साँझ पिकअप जीप दुर्घटना हुँदा दुई जनाको मृत्यु भएको छ भने ११ जना घाइते भएका छन्। दुर्घटना जिल्लाको गुल्मीदरबार गाउँपालिका-४, वीरवास मिसुकामा लु १ च ४९०६ नम्बरको बलेरो पिकअप जीप दुर्घटना भएको थियो।
जिल्ला प्रहरी कार्यालय गुल्मीका सूचना अधिकारी, प्रहरी नायब उपरीक्षक गंगाबहादुर सारुका अनुसार दुर्घटनामा स्थानीय ३५ वर्षीया कृष्णा ढेंगा र ४० वर्षीया मीना सनामीको मृत्यु भएको छ।
घाइते हुनेमा ४० वर्षीया जमुना ढेंगा, ४५ वर्षीया सुमित्रा ढेंगा, ३६ वर्षीया पार्वती ढेंगा, ४४ वर्षीया खगी ढेंगा, ३० वर्षीया पम्फा ढेंगा, ३३ वर्षीया कुमारी पुन, २४ वर्षीया निर्मला ढेंगा, ३ वर्षीया चाया ढेंगा, ३१ वर्षीया माया ढेंगा, ४० वर्षीया जमुना ढेंगा र ५५ वर्षीया नैना ढेंगा रहेका छन्।
प्रारम्भिक अनुसन्धानले देखाएको छ कि जीपको ब्रेक फेल भएको कारण दुर्घटना भएको हो। जीप अचानक घरमा ठोक्किएको थियो। घाइतेमध्ये केहीको अवस्था गम्भीर रहेको बताइएको छ। घाइतेलाई थप उपचारका लागि लुम्बिनी मेडिकल कलेज, प्रभास पाल्पा पठाइएको छ।।
