काठमाडौँ- निर्वाचन आयोगले प्रतिनिधिसभा सदस्य निर्वाचन- २०८२ को समग्र प्रतिवेदन राष्ट्रपति रामचन्द्र पौडेललाई बुझाएको छ ।
निर्वाचन आयोगका कार्यवाहक प्रमुख आयुक्त रामप्रसाद भण्डारीको नेतृत्वको टोलीले आज राष्ट्रपति भवन निवस शितल पुगेर निर्वाचन परिणामसहितको समग्र प्रतिवेदन बुझाएको हो।
निर्वाचन प्रतिवेदन बुझाएसँगै नवनिर्वाचित सांसदको शपथ ग्रहण र नयाँ सरकार बनाउने प्रक्रिया पनि अघि बढेको छ ।
यसअघि निर्वाचन आयोगले प्रतिनिधि सभा सदस्य निर्वाचनमा समानुपातिकतर्फबाट निर्वाचित सांसदहरुलाई प्रमाणपत्र वितरण गरेको थियो।
आयोगले आज समानुपातिकतर्फका एक सय १० जना सांसदहरुलाई प्रमाणपत्र वितरण गरेको हो ।
सांसदहरुलाई आयोगका कार्यवाहक प्रमुख आयुक्त रामप्रसाद भण्डारी, निर्वाचन आयुक्तद्वय डा. जानुकाकुमारी तुलाधार र सगुन शमशेर जबराले प्रमाणपत्र वितरण गर्नुभएको थियो ।
फागुन २१ गते भएको प्रतिनिधि सभा निर्वाचनमा समानुपातिकतर्फ ६ वटा राजनितिक दलले सिट प्राप्त गरेका थिए ।
