धादिङ- मध्यपूर्व क्षेत्रमा देखिएको युद्धको असरका कारण अन्तर्राष्ट्रिय बजारमा ग्यास आपूर्तिमा समस्या देखिए पनि धादिङ जिल्लामा रहेका रिफिलिङ उद्योगहरुमा भने पर्याप्त मात्रामा ग्यास मौजाद रहेको छ । साथै दैनिक आउनुपर्ने कोटा र माग अनुसारको ग्यास वुलेटहरु भारतबाट आइरहेको उद्योगीहरुले जानकारी दिएका छन् ।
जिल्लाका केही स्थानमा खाना पकाउने एलपी ग्यास अभाव भएपनि कृतिम अभाव हुने गरी कोही कसैले पनि ग्यास थुपारेर राख्नुपर्ने अवस्था नभएको भन्दै ग्यास सहजै उपलब्ध हुने उद्योगीहरु बताउँछन ।
जिल्लामा रिफिलिङ्ग उद्योगहरुमा पर्याप्त मात्रामा ग्याँस भण्डारण रहेको र दैनिक जसो ग्यासका बुलेटहरु आइरहेका छन ।
युद्धको सामान्य असर ग्याँसका बुलेट लोडिङ्गमा परेको भएपनि माग र कोटा अनुसारको ग्यास भने उद्योगमा छ । बजारमा माग अनुसारको आधा सिलिण्डर ग्याँस उद्योगबाट भरेर नियमित रुपमा पठाइएको उनीहरुको भनाइ छ ।
यसैगरी, एलपी ग्यास र पेट्रोलिय पदार्थको कृत्रिम अभाव सृजना नगर्न पनि व्यवसायीहरुलाई स्थानीय प्रशासनले आग्रह गरको छ ।
यसो त उपभोक्तहरुले पनि आवश्यक भन्दा धेरै ग्यासका सिसलिण्डर, डिजेल, पेट्रोल जस्ता बस्तुहरु अनावश्यक संकलन नगर्न जिल्ला प्रशासन कार्यालय धादिङले आग्रह गरेको छ ।।
