काठमाडौँ- प्रतिनिधिसभा सदस्य निर्वाचन अन्तर्गत काठमाडौँ निर्वाचन क्षेत्र नं २ बाट राष्ट्रिय स्वतन्त्र पार्टीका सुनिल केसी निर्वाचित हुनुभएको छ । उहाँले ३४ हजार २३८ मत प्राप्त गर्नुभएको छ । रास्वपाका केसीका प्रतिस्पर्धी नेपाली कांग्रेसका उम्मेदवार कविर शर्माले आठ हजार ८७४ मत प्राप्त गर्नुभएको छ।
विसं २०७९ सालको निर्वाचनमा काठमाडौँ-२बाट रास्वपाकै सोविता गौतम निर्वाचित हुनुभएको थियो ।
विक्रम सम्वत् २०३९ साल मंसिरमा जन्मिनुभएका सुनिल केसी काठमाडौँ–२ का सडकमै उभिएर जनताको पक्षमा बोल्ने व्यवहारिक नेता, भाषण भन्दा काममा विश्वास गर्ने व्यक्तित्वको रुपमा चिनिनुहुन्छ ।
बोलेको भन्दा काम गरेर देखाउने, जथाभावी आश्वासन नदिई गर्न सकिने काम मात्र वाचा गर्ने बानी उहाँमा रहेको निकटहरु बताउँछन् ।
१२ कक्षा सम्मको अध्ययन गर्नु भएका केसी छलफल, भेटघाट र सुनुवाइमार्फत विभिन्न वर्ग-समूह (युवा, व्यवसायी, महिलाहरू, ज्येष्ठ नागरिक) सँग सहकार्य गर्न सक्ने व्यावहारिक कौशल उहाँमा रहेको र विभिन्न समाजिक सेवामा आफुलाई आवद्ध गर्दै आउनु भएको समाजसेवी व्यक्तिको रुपमा उहाँ चिनिनुहुन्छ ।।
