काठमाडौँ- अर्घाखाँचीको सन्धिखर्क नगरपालिका वडा नं. ४ मा मतदानका क्रममा विवाद उत्पन्न भएपछि मतदान प्रक्रिया अस्थायी रूपमा रोकिएको छ।
मतदानका लागि प्रयोग भएका केही मतपत्रहरूमा मतदान अधिकृतको अनिवार्य हस्ताक्षर नभएको भेटिएपछि विवाद सिर्जना भएको हो। हस्ताक्षर बिना वितरण गरिएको मतपत्र भेटिएपछि विभिन्न दलका प्रतिनिधि तथा मतदानस्थलमा रहेका सरोकारवालाहरूले आपत्ति जनाएका थिए।
स्थिति स्पष्ट नहुँदासम्म मतदान प्रक्रिया रोकिएको जानकारी प्राप्त भएको छ। सम्बन्धित निकायले घटनाको छानबिन गरिरहेको र समस्या समाधान भएपछि मात्रै मतदान प्रक्रिया पुनः सुरु गरिने जनाइएको छ।
