काठमाडौँ- दोलखाको तामाकोशी गाउँपालिका वडा नम्बर ४ गोलेश्वर मावि मतदानस्थलमा विवाद उत्पन्न भएपछि मतदान कार्य प्रभावित भएको छ । दलका प्रतिनिधिहरु बीच विवाद र तनाव सिर्जना भएपछि मतदान रोकिएको सहायक जिल्ला प्रमुख अधिकारी औलाखबहादुर आलेले जानकारी दिनुभयो ।
बुथका केही प्रतिनिधिले हस्ताक्षर नगरिएको मतपत्र र स्वस्तिक छाप लुटेका थिए। ‘बुथ प्रतिनिधिले मतपत्र र छाप लगेपछि विवाद भएको हो। लगेको मतपत्र फेला परेको छैन।
हराएको मतपत्र खोजी कार्य जारी छ यसअघि सोही ठाउँमा खटिएका कर्मचारीमाथि हातपात भएको थियो भने प्रहरीले हवाईफायरसमेत गरेको थियो । ५५ ओटा मतपत्र हराएकोमा ४४ ओटा मतपत्र भेटिएको र अरु खोजी कार्य जारी रहेको प्रशासन कार्यलयले जनाएको छ
