- एलिसन स्पोर्ट्स प्रालिले भदौ १८ गते काठमाडौंको पेप्सिकोलामा दोस्रो महिला फुटसल च्याम्पियनसिप–२०८२ आयोजना गर्ने भएको छ।
- प्रतियोगितामा १६ वर्षमुनिका जुनियर र १६ वर्षमाथिका सिनियर टिम गरी ३२ टिमको सहभागिता रहने आयोजकले जनाएको छ।
- सिनियर विजेताले ५० हजार नगद पुरस्कार पाउनेछन् भने जुनियर विजेताले २० हजार नगद पुरस्कार पाउनेछन्।
५ साउन, काठमाडौं । एलिसन स्पोर्ट्स प्रालिको आयोजनामा आउने भदौ १८ गते काठमाडौंको पेप्सिकोलामा ‘दोस्रो महिला फुटसल च्याम्पियनसिप–२०८२’ आयोजना हुने भएको छ ।
नेपाली महिलाहरूलाई फुटबल तथा फुटसल खेलमा प्रोत्साहन गर्ने उद्देश्यले आयोजित प्रतियोगितामा नेपालभरका कुनै पनि स्थानमा बसोबास गर्ने महिलाहरूले आफ्नो टिम बनाएर सहभागिता जनाउन सक्ने आयोजकले जनाएको छ ।
