नेपाली कांग्रेसका बागमती प्रदेश सभा सदस्यहरूले बजेटप्रति असन्तुष्टि जनाउँदै मुख्यमन्त्री बहादुर सिंह लामा र मन्त्री कुन्दनराज काफ्लेलाई आलोचना गरे।
संसदीय दलको बैठकमा सांसदहरूले बजेटमा बिचौलिया हाबी र स्वार्थअनुसार वितरण भएको आरोप लगाए, र छानबिनको माग गरे।
मन्त्री काफ्लेले बजेटमा गलत नभएको दाबी गरे भने मुख्यमन्त्री लामा सबै योजनाहरू समावेश भएको बताउनुभयो।
१२ असार, हेटौंडा । नेपाली कांग्रेसका बागमती प्रदेश सभा सदस्यहरुले बजेटप्रति असन्तुष्टि जनाउँदै मुख्यमन्त्री बहादुर सिंह लामा र आर्थिक मामिला तथा योजनामन्त्री कुन्दनराज काफ्लेको चर्को आलोचना गरेका छन् ।
बुधबार राति अबेरसम्म बसेको संसदीय दलको बैठकमा कांग्रेस सांसदहरुले मुख्यमन्त्री लामा र आर्थिक मामिलामन्त्री काफ्लेले आफ्नो जिल्लामा मात्रै बजेट खन्याएको भन्दै आलोचना गरेका हुन् ।
