<p style="text-align:justify">काठमाडौं । मेरो माइक्रोफाइनान्स लघुवित्त वित्तीय संस्था लिमिटेडले गत आवको चौथो त्रैमासिक वित्तीय विवरण सार्वजनिक गरेको छ ।</p>
<p style="text-align:justify">उक्त वित्तीय विवरण अनुसार कम्पनीको खुद नाफा अघिल्लो आवको चौथो त्रैमासको तुलनामा गत आवको सोही अवधिमा ८० दशमलव ५८ प्रतिशत घटेको छ । अघिल्लो आवमा कम्पनीले रू. ३७ करोड ३ लाख नाफा कमाएकोमा गत आवमा घटेर रू. ७ करोड १९ लाखमा झरेको हो । </p>
<p style="text-align:justify">गत आवमा कम्पनीको इम्पेयरमेन्ट चार्ज बढेकाले सञ्चालन नाफा घटेसँगै नाफा प्रभावित भएको हो । अघिल्लो आवमा कम्पनीको इम्पेयरमेन्ट चार्ज रू. ७ करोड ९८ लाख रहेकोमा गत आवमा बढेर रू. १० करोड ९७ लाख पुगेको छ । इम्पेयरमेन्ट चार्ज बढेसँगै कम्पनीको सञ्चालन नाफा ८२ प्रतिशत घटेको छ । अघिल्लो आवमा कम्पनीको सञ्चालन नाफा रू. ५४ करोड १६ लाख रहेकोमा गत आवमा घटेर रू. ९ करोड ३४ लाखमा झरेको छ । </p>
<p style="text-align:justify">नाफा घटेसँगै कम्पनीको प्रतिशेयर आम्दानी पनि घटेको छ । अघिल्लो आवमा कम्पनीको प्रतिशेयर आम्दानी ३० रुपैयाँ ८६ पैसा रहेकोमा गत आवमा घटेर ५ रुपैयाँ ४५ पैसामा झरेको छ । </p>
<p style="text-align:justify">कम्पनीको चुक्ता पूँजी रू. १ अर्ब ३२ करोड छ । कम्पनीले जगेडामा रू. ५० करोड ७७ लाख र रिटेन्ड अर्निङमा रू. १० करोड १५ लाख सञ्चिति गरेको छ । गत आवमा कम्पनीको वितरणयोग्य नाफा रू. २ करोड ४४ लाख छ । सो अवधिमा कम्पनीको तरलता अनुपात ४ दशमलव ०१ प्रतिशत र प्रतिशेयर नेटवर्थ रू. १४६ दशमलव १६ रहेको छ। </p>
<p style="text-align:justify"><a href="https://sharemarket.abhiyandaily.com/announcement-detail/fy-2079-80-:-q4-report-:-mero-microfinance-bittya-sanstha-ltd.-%28mero%29">सूचना हेर्न यहाँ क्लिक गर्नुहोस</a>्</p>
