<p>काठमाडौं । रुरु जलविद्युत परियोजना लिमिटेडले गत आवको चौथो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको खुद नाफा अघिल्लो आवको चौथो त्रैमासको तुलनामा गत आवको सोही अवधिमा २६ प्रतिशत घटेको छ । </p>
<p>कम्पनीले अघिल्लो आवको चौथो त्रैमाससम्ममा रू. ९ करोड ३० लाख नाफा कमाएकोमा गत आवमा रू. ६ करोड ८८ लाखमा झरेको हो । गत आवमा कम्पनीको विद्युत विक्री आम्दानी घटेसँगै नाफा घटेको हो । अघिल्लो आवमा कम्पनीले विद्युत विक्री बापत रू. १६ करोड १९ लाख आम्दानी ग।रेकोमा गत आवमा घटेर रू. १३ करोड ४९ लाखमा झरेको छ । </p>
<p>नाफा घटेसँगै कम्पनीको प्रतिशेयर आम्दानी पनि घटेको छ । अघिल्लो आवमा कम्पनीको प्रतिशेयर आम्दानी २० रुपैयाा ७६ पैसा रहेकोमा गत आवमा घटेर १३ रुपैयाँ ९५ पैसामा झरेको हो । गत आवमा कम्पनीको प्रतिशेयर नेटवर्थ रू. १३२ दशमलव २८ रहेको छ । <br />
चुक्ता पूँजी रू. ४९ करोड ३३ लाख रहेको कम्पनीले जगेडामा रू.१५ करोड ९२ लाख सञ्चिती गरेको छ । </p>
<p><a href="https://sharemarket.abhiyandaily.com/announcement-detail/fy-2079-80:-q4-report:-ru-ru-jalbidhyut-pariyojana-ltd.-%28ruru%29">रिपोट हेर्न यहाँ क्लिक गर्नुहोस </a></p>
