Sunday, October 2, 2022

मधेश प्रदेशमा सांसदको संख्या घट्यो, १०१ कायम – Online Khabar

२० जेठ, जनकपुरधाम । मधेश प्रदेशमा सांसदको संख्या घटेको छ । सुरुमा कुल १ सय ७ सांसद रहेको प्रदेशमा अहिले १ सय १ सांसद मात्रै छन् ।

स्थानीय तह निर्वाचनअघि दुई जना सांसदले राजीनामा दिएका छन् । रौतहटको क्षेत्र नम्बर ४ (ख) बाट निर्वाचित शेष अबुल कलाम आजाद र सर्लाहीको क्षेत्र नम्बर २ (ख) बाट र्विाचित उपेन्द्रप्रसाद कुशवाहाले राजीनामा दिएका छन् । केही दिनअघि मात्रै प्रदेश सांसद डिम्पल झाको निधन भएको थियो ।

त्यसअघि नेकपा माओवादी केन्द्रले नेकपा एमालेतिर लागेको भन्दै आफ्ना तीन जना सांसदलाई बर्खास्त गरेको थियो ।

कुन पार्टीसँग कति सांसद ?

कुल १०१ जना सांसद रहेको मधेश प्रदेशमा सबैभन्दा बढी सत्तारुढ जनता समाजवादी पार्टी (जसपा) का सांसद छन् । यसअघि ३७ सांसद रहेको जसपाका शेष अबुल कलाम आजादले राजीनामा दिएपछि यो पार्टीमा सभामुख र उपसभामुख गरी अब ३८ जना सांसद छन् ।

नेपाली कांग्रेसका यसअघि १९ सांसद थियो । उपेन्द्र कुशवाहले राजीनामा दिएपछि १८ जना बाँकी छन् ।

लोकतान्त्रिक समाजवादी पार्टी (लोसपा) का १६ जना सांसद थिए, डिम्बल झाको निधनपछि १५ जना सांसद छन् ।

नेकपा एकीकृत समाजवादीको १३, नेकपा एमाले र नेकपा माओवादी केन्द्रका ८/८ जना र नेपाल संघीय समाजवादी पार्टीका १ जना सांसद छन् ।

निर्वाचन आयोगलाई जानकारी

मधेश प्रदेश सभा सचिवालयले दुई जना सांसदको स्थान रिक्त भएको जानकारी निर्वाचन आयोगलाई गराएको छ ।

राजीनामा दिएका शेष अबुल कलाम आजाद र उपेन्द्र प्रसाद कुशावाहले राजीनामा दिएपछि दुबैको स्थान रिक्त भएको छ । आजाद र कुशवाहाको राजीनामापछि उनीहरु निर्वाचित स्थान रिक्तता सम्बन्धमा प्रदेश सभा सचिवालयका सचिव रंजित यादवले निर्वाचन आयोगलाई पत्र पठाउँदै जानकारी गराएका छन् ।

१९ जेठमा बसेको प्रदेश सभा बैठकमा पनि सभामुख सरोज कुमार यादवले दुई जना सांसदको स्थान रिक्त भएको जानकारी गराएका थिए ।

उनीहरु दुबै जनाले पालिकाको प्रमुखमा उम्मेदवारी दिन प्रदेश सांसदबाट राजीनामा दिएका थिए । स्वतन्त्र उम्मेदवार भई प्रदेश सांसदमा निर्वाचित आजाद पछिल्लो समय जनता समाजवादी पार्टी जसपामा प्रवेश गरेका थिए ।

उनी गढीमाई नगरपालिकाको मेयर पदमा उम्मेदबार बन्न सांसद पदबाट राजीनामा दिएका थिए । यद्यपी उनी पराजित भएका छन् ।

नेपाली कांग्रेसबाट प्रदेश सांसदमा निर्वाचित कुशवाह कांग्रेसबाटै सर्लाहीको गोडैटा नगरपालिका मेयर पदमा उम्मेदवारी दिन राजीनामा दिएका थिए । उनी पनि निर्वाचनमा पराजित भए ।

window.fbAsyncInit = function () {
FB.init({
appId: ‘280041239029772’,
xfbml: true,
version: ‘v2.7’
});
};

(function (d, s, id) {
var js, fjs = d.getElementsByTagName(s)[0];
if (d.getElementById(id)) {
return;
}
js = d.createElement(s);
js.id = id;
js.src = “https://connect.facebook.net/en_US/sdk.js”;
fjs.parentNode.insertBefore(js, fjs);
}(document, ‘script’, ‘facebook-jssdk’));

Source link

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments