News Portal

any time News , local election in nepal 2079

पोखरा विमानस्थललाई ४ अर्ब ४० करोड बजेट, निजगढमा २६ करोड

१९ जेठ, काठमाडौं । सरकारले नेपाल नागरिक उड्डयन प्राधिकरणमार्फत विमानस्थल आयोजनाहरुमा ऋण लगानी गर्दै आएको छ । आगामी आर्थिक वर्ष २०७९/८० मा निर्माणको अन्तिम चरणमा रहेको पोखरा क्षेत्रीय अन्तर्राष्ट्रिय विमानस्थलका लागि मात्र ४ अर्ब ४० करोड रुपैयाँ विनियोजन भएको छ ।

अर्थ मन्त्रालयका अनुसार यस आयोजनामा चालु आवमा ५ अर्ब १८ करोड १७ लाख रुपैयाँ बराबरको बजेट कार्यान्वयन भइरहेको छ । गत आवमा पोखरा क्षेत्रीय अन्तर्राष्ट्रिय विमानस्थलले ३ अर्ब ७ करोड २९ लाख रुपैयाँ बजेट खर्च गरेको थियो ।

आगामी आवमा प्राधिकरणमा सरकारले कुल १२ अर्ब २४ करोड ५३ लाख रुपैयाँ विनियोजन गरेको छ । यसमध्ये बारामा प्रस्तावित निजगढ विमानस्थलका लागि २६ करोड रुपैयाँ छुट्याएको छ । यो आयोजनालाई चालु आवमा ६३ करोड ३१ लाख रुपैयाँ बजेट राखिएको थियो । निजगढमा सरकारले गत आवमा भने ५० करोड रुपैयाँ खर्च गरेको थियो । हवाई पूर्वाधार अन्तर्गत दक्षिण एसिया पर्यटन पूर्वाधार विकास आयोजनामा २ अर्ब २० करोड रुपैयाँ विनियोजन भएको छ ।

भैरहवामा सञ्चालनमा आएको गौतमबुद्ध अन्तर्राष्ट्रिय विमानस्थल यसै आयोजना भित्र पर्छ । यो आयोजनामा सरकारले दोस्रो टर्मिनल भवन निर्माण गर्ने कार्यक्रम आगामी आवमा राखेको छ । त्रिभुवन अन्तर्राष्ट्रिय विमानस्थलको पूर्वाधार सुधार गर्ने गरी आगाडि बढेको आयोजना हवाई पूर्वाधार यातायात क्षमता अभिवृद्धि कार्यक्रमलाई आगामी आवमा ३ अर्ब ४१ करोड रुपैयाँ छुट्याइएको छ ।

सरकारले बजेटमार्फत आगामी आवमा निर्माण सम्पन्न भएका विमानस्थलहरुको पूर्ण क्षमतामा सञ्चालन गर्ने भनेको छ । त्रिभुवन विमानस्थलमा ट्याक्सी वे र टर्मिनल भवन निर्माणको कार्यक्रम राखिएको छ । निजगढ विमानस्थलको निर्माणको मोडालिटी सम्पन्न गर्ने बजेटमा उल्लेख छ ।

ठूला हवाई पूर्वाधारमध्ये कुनमा कति बजेट (रुपैयाँ) ?

  • पोखरा क्षेत्रीय अन्तर्राष्ट्रिय विमानस्थल : ४ अर्ब ४० करोड
  • हवाई पूर्वाधार यातायात क्षमता अभिवृद्धि कार्यक्रम : ३ अर्ब ४१ करोड ५० लाख
  • दक्षिण एसिया पर्यटन पूर्वाधार विकास आयोजना : २ अर्ब २० करोड
  • निजगढ विमानस्थल : २६ करोड

window.fbAsyncInit = function () {
FB.init({
appId: ‘280041239029772’,
xfbml: true,
version: ‘v2.7’
});
};

(function (d, s, id) {
var js, fjs = d.getElementsByTagName(s)[0];
if (d.getElementById(id)) {
return;
}
js = d.createElement(s);
js.id = id;
js.src = “https://connect.facebook.net/en_US/sdk.js”;
fjs.parentNode.insertBefore(js, fjs);
}(document, ‘script’, ‘facebook-jssdk’));

Source link

Leave a Reply

Your email address will not be published.