News Portal

any time News , local election in nepal 2079

तस्वीरमा हेर्नुस् बालेन साहको शपथ ग्रहण समारोह – Online Khabar

१६ जेठ, काठमाडौं । काठमाडौं महानगरपालिकाका नवनिर्वाचित जनप्रतिनिधिहरुले आज पद तथा गोपनियताको शपथ ग्रहण गरेका छन् ।

स्वतन्त्र रुपमा चुनाव लडेर मेयर पद जितेका बालेन्द्र साह (बालेन) शपथ ग्रहण समारोह स्थल राष्ट्रिय सभागृहको प्रमुख आकर्षणको केन्द्रमा थिए । उनी दौरा सुरुवाल र कालो भादगाउँले टोपी लगाएर शपथ ग्रहण समारोहमा पुगेका थिए ।

उनलाई मुख्य निर्वाचन अधिकृत राजुकुमार खतिवडाले शपथ ग्रहण गराए । नेपाली भाषामा शपथ ग्रहण गरिसकेपछि बालेनले नेपाल भाषामा पनि शपथको व्यहोरा वाचन गरेका थिए । उनका समर्थकहरुले राष्ट्रिय सभागृह खचाखच भरिएको थियो । बालेनको समर्थनमा उनीहरुले नारा लगाएका थिए ।

बालेनले शपथ ग्रहण गरिसकेपछि उनले उपमेयर सुनिता डंगोललाई शपथ ग्रहण गराए । बालेनले नेपाली भाषामा शपथ ग्रहणको व्यहोरा वाचन गरे पनि सुनिताले नेपाल भाषामा शपथ ग्रहण गरिन् । त्यसपछि मेयर साहले वडा अध्यक्ष र सदस्यहरुलाई शपथ ग्रहण गराएका थिए ।

अरु जनप्रतिनिधिहरुलाई प्रमाणपत्र वितरण गर्दै फूलमाला लगाइदिए पनि बालेनले भने माला लगाएनन् । उनी शपथ ग्रहण समारोह औपचारिक समापन नहुँदै राष्ट्रिय सभागृहबाट बाहिरिएका थिए ।

समापन मन्तव्यको क्रममा प्रमुख निर्वाचन अधिकृत खतिवडाले नवनिर्वाचित जनप्रतिनिधिहरुलाई बधाई दिंदै आगामी दिनमा छिटो निर्वाचन परिणाम सार्वजनिक गर्ने व्यवस्थाबारे सोच्न सुझावसमेत दिए ।

प्रमुख निर्वाचन अधिकृत खतिवडा बोलिरहेको बेला मञ्चबाट बाहिरिएका बालेनले आजै काठमाडौं महानगरपालिकाको आफ्नो कार्यकक्षमा पुगेर कार्यभार सम्हालेका छन् ।

window.fbAsyncInit = function () {
FB.init({
appId: ‘280041239029772’,
xfbml: true,
version: ‘v2.7’
});
};

(function (d, s, id) {
var js, fjs = d.getElementsByTagName(s)[0];
if (d.getElementById(id)) {
return;
}
js = d.createElement(s);
js.id = id;
js.src = “https://connect.facebook.net/en_US/sdk.js”;
fjs.parentNode.insertBefore(js, fjs);
}(document, ‘script’, ‘facebook-jssdk’));

Source link

Leave a Reply

Your email address will not be published.